लघु शंकेचे झाले वांधे; केडगाव मधील ते प्रकरण शंकास्पदच ?

सार्वजनिक स्वच्छतागृहाची जागा बळकाविण्याचा प्रयत्न करणाऱ्यांवर कारवाई करुन नागरिकांसाठी स्वच्छतागृह बांधण्याची मागणी; महाराष्ट्र मुस्लिम महा...

सार्वजनिक स्वच्छतागृहाची जागा बळकाविण्याचा प्रयत्न करणाऱ्यांवर कारवाई करुन नागरिकांसाठी स्वच्छतागृह बांधण्याची मागणी; महाराष्ट्र मुस्लिम महासंघाचे आयुक्तांना निवेदन

केडगाव येथील सार्वजनिक स्वच्छतागृह जमिनोदोस्त करण्यात आले आहे. 

अहमदनगर : प्रतिनिधी 

टाळेबंदीचा गैरफायदा घेऊन केडगाव येथील सार्वजनिक स्वच्छता गृह (मुतारी) जमीनदोस्त करुन सरकारी जागा बळकाविण्याचा प्रयत्न केला जात आहे. असे असताना महापालिकेने याकडे सोयीस्करपणे दुर्लक्ष केले आहे. तरी सार्वजनिक स्वच्छतागृहाची जागा बळकाविण्याचा प्रयत्न करणाऱ्यांवर कारवाई करुन नागरिकांसाठी नव्याने  स्वच्छतागृह बांधण्याची मागणी महाराष्ट्र मुस्लिम महासंघाच्या वतीने महापालिका आयुक्तांकडे करण्यात आली आहे.

केडगाव येथील अर्चना हॉटेल शेजारी 1985-86 साली सार्वजनिक स्वच्छता गृह (मुतारी) बांधण्यात आले होते. या जागेवर स्वच्छता गृह असल्याची सरकार दप्तरी नोंद आहे. मागील टाळेबंदीमध्ये स्वच्छता गृहाची स्वच्छता झाली नसल्याने अज्ञात व्यक्तीने मुद्दामहून तेथे काट्यांची झाडे टाकून व पत्रे ठोकून त्याचा वापर बंद करण्यास भाग पाडले. यामुळे या परिसरात स्वच्छतागृह नसल्याने स्थानिक दुकानदार, रिक्षाचालक यांना विनाकारण त्रास झाला. परिसरातील नागरिकांची मोठ्या प्रमाणावर कुचंबना होत आहे. ऐनवेळी लघुशंका आली तर करायची कुठे असा प्रश्न निर्माण झाला आहे. परिसरातील नागरिकांचे लघुशंकेचे वांधे झाल्याचे सध्या चित्र निर्माण झाले आहेत. 

या स्वच्छतागृहाची दुरुस्ती होण्यासाठी 7 मार्च रोजी नगरसेवक अमोल येवले यांना निवेदनाद्वारे मागणी करण्यात आली होती. तरीदेखील अज्ञात व्यक्तींकडून सार्वजनिक स्वच्छतागृह (मुतारी) अवैधरित्या पाडण्यात आले. ही जागा बळकाविण्याचा संबधित व्यक्तींनी प्रयत्न सुरु केला आहे, असा आरोप संघटनेच्या वतीने करण्यात आला आहे.